BRIVACURRETIA

BRIVACURRETIA

vicus erat in finibus Lemovicum, regnantibus Chlodovei Magni nepotibus ac pronepotibus, nunc municipii instar se ferens, a ponte flumini Curretiae imposito Briva Curretia Gallice, h. e. pons ad Curretiam cognomivatus: cuius in Basilica B. Martrnum, Martini Turonici Episcopi discipulum sepultum esse affirmant inoolae, et ob praesens auxilium saepe expertum summopere venerantur. Vulgo Brive la Gaillarde, h. e. Briva hilaris nuncupatur, proximumque habet viculum, Templum Amoris dictum, Temple d' Amour. Posita est Briva fere ad ipsos Curretiae et Viserae confluentes, quorum fluviorum alter Coureze, alter Vezere appellatur. Curretia autem amnis proximum capiti suo vicum cognominem haber, nimirum Curretiam, Coureze, deinde Tutelam attingit Episcopis sedem, Tulle, ac Brivam: infra quam in Viseram influit. Basilicam B. Martini supradicti, in Briva vico, ab exercitu Gundobaldi, qui ibi Rex A. C. 584. consalutatus est a quibusdam Optim atlbus Francorum, incensam esse auctor est Gregorius, ita ut eam altaria, quam columnae ex variis marmorum generibus igne dissolverentur ac discuterentur: quam Basilicam Ferreolus Lemovicarum Episcopus postmodum reparaverit: et Brivam Curretiam vicum in Lemovicino appellat, in c. 10. l. 7. Hist. Vales. Notit. Gall.